*គ្រឿងផ្សំ៖
-កាពិឆៅក្លិនឈ្ងុយមិនសូវប្រៃ 1ស្លាបព្រាបាយ
- ខ្ទឹមស 5កំពិស
- ស្ករស 3ស្លាបព្រាបាយ
- ទឹកក្រូចឆ្មា 5ស្លាបព្រាបាយ
- ម្ទេសហ៊ឹរ 8ទៅ10គ្រាប់
- ត្រប់ពត់ញងលីងឲ្យស្រពាប់ 5ទៅ7គ្រាប់
- ពងទាចៀនស្អំរសជាតិសាបៗ 7ទៅ8ចំណិតតូចៗ
- ត្រីប្លាធូចៀនសាបៗ 2ទៅ3ក្បាល
- បន្លែអន្លក់ចម្រុះ តាមចំណូលចិត្ត
*វិធីធ្វើ៖
1- យកកាពិដាក់ចូលត្បាល់ បកសម្បកខ្ទឹមសរួចបុកចូលគ្នាឲ្យម៉ត់
2- ដាក់ស្ករសចូល បុកបន្តទៀត រួចបន្តដាក់ម្ទេសហ៊ឹរ បុកឲ្យម៉ត់ ដាក់ត្រប់ពុតញងចូលបុកទក់ៗ សឹមដាក់ទឹកក្រូចឆ្មារចូល បុកឲ្យចូលសព្វជាតិគ្នា
3- ភ្លក្សមើល ថែមថយរសជាតិតាមចូលចិត្ត
4- ដួសដាក់ចានចង្កឹះញ៉ាំផ្ទាប់ជាមួយអន្លក់ ចម្រុះ រួមមានបន្លែឆៅ បន្លែស្រុស ត្រីប្លាធូចៀនសាប ពងទាចៀនស្អំរសជាតិសាប
ទទួលទានជាមួយបាយសក្តៅៗ ឆ្ងាញ់បំផុតក្នុងខែរងា ឬអាកាសធាតុត្រជាក់។
0 comments:
Post a Comment